BIZIKLETA EGUNA

Datorren ekainaren 6 eta 7an, “Bizikletari Eragin” lelopean, hainbat ekintza antolatuko dira herrian Kultura eta Kirola lantaldeak bideratuta. Ostiralean, hain zuzen ere, 18:30etik aurrera,  Udaltalde aretoan, Patxi Lasartek ”EH Txinara Bizikletaz” hitzaldia emango du.
Larunbatean, berriz, “bizikleta eguna” ospatuko da. Goizeko saioan eta 9.00etatik aurrera, bizikletarekin lotutako ekintza ezberdinak izango ditugu bai nagusiek zein gazte eta umeek gozatu ahal izateko.
Izen-ematea doan izango da eta dortsala jasotzeko bi aukera egongo dira. Lehenengoa, Zollora egingo den txangoa hasi baino lehen, 9:00ak aldera, eta bigarrena 10.30ean, herriko plazan baita ere. Dortsal banaketarekin batera, oparitxo bat egongo da zale guztientzako. Esan bezala, Zollotik bueltan, guztiak elkarrekin Iberlandarantz abiatuko dira. Bertan, jai-giroan, animatuenentzako ginkana eta zirkuituak egongo dira eguerdiko 13:00ak arte. Bukatzeko, luntxa eta opari-zozketak egongo dira dortsala duten partaideen artean.